als neue Vorständin von unserm Verein mecht i Eich ganz herzlich auf unserer Homepage willkommen hoaßn.
I gfrei mi sehr, dass i diese Aufgabe übernehmen derf. Da Trachtenverein is für mi mehr als nur a Verein – er steht für Gemeinschaft, g’lebte Tradition und a starkes Mitanand. Genau des mecht i gemeinsam mit unsere Mitglieder bewahren und weiterführen.
A bsonders Vergelt’s Gott gilt meine Vorgänger. Ganz besonders Martin Schober, der in de letzten 14 Jahr mit vui Engagement, Herzbluat und am feinen Gspür für de Leit im Verein den Zusammenhoit spürbar g’stärkt hat. In langer Tradition ham’s olle unsern Trachtenverein nach außen wie nach innen zu oana starken Gemeinschaft g’macht. Ihr Einsatz hat den Verein geprägt und eam a Auftreten geb’n, auf des ma mit Stolz blicken derfn.
I gfrei mi auf de kommende Zeit, auf vui scheene Begegnungen, Veranstaltungen und darauf, unsern Verein gemeinsam lebendig z’hoitn.
Mit ganz bsonderer Vorfreid schaun ma dabei aa scho auf unser 130-jährigs Gründungsfest im Jahr 2028 – a Anlass, der uns ned nur an unsere Wurzeln erinnert, sondern aa ziagt, wia lebendig unsere Gemeinschaft heit is. Diesen Meilenstein miteinander feiern z’derfa, erfüllt mi scho jetzt mit großer Freid.

Vergelt’s Gott und auf a guads Mitanand!